Comisión Nacional Permanente de Conmemoraciones Cívicas ukuka 1982 watapimi wiñarirka, shinapash 1986, 1988, 2003, 2004 watakunapika paypak kamachikunata mushukyachirkami ashtawan alli llankaykuna tyachun. Kay ukuka, ñawpa alli wiñay kawsayta yuyarinkapak llankanmi, shinallatak mamallaktapak ñawpa alli puhakkunata ama kunkarinkapak.
Ñukanchi kawsay sapita sinchiyachinkapak, Ecuador sami runakuna pakta alli kawsaypak llankanmi.
Kay 25 watakunapika, tawka kamukunata rurashpa yachay wasikunaman karashka, ñukanchi wiñay kawsaymanta rikuchikunata ñawpaman apashka, alli pushakkunaman kamarikunatapash karashkami, ñawpa alli kawsaykunata yuyarinkapak, willachinkapakpash.
Kay 2009 watapika ñami yuyarinakushun 200 watakunata mamallakta kishpirihska kawsakuyta, chaymanta Comisión Nacional Permanente de Conmemoraciones Cívicas ukuka hatun raymikunatami ñawpaman apakun, 10 karma killapi 1809 watapi punta kaparikunata yuyarinkapak. Kay ruraykunapika, mishukuna, yanakuna, runakunapashmi kimirina kanchi, tukuylla waykarishpa alli kawsayta tarinkapak. |
